17- 22 oktyabr tarixlərində Binəqədi rayonu 306, Xətai rayonu 245 nömrəli tam orta məktəbin şagirdləri və 5 nömrəli Uşaq Gənclər İnkişaf Mərkəzinin dərnək üzvləri F. Köçərli adına Respublika Uşaq Kitabxanasında oldular. Kitabxana əməkdaşı məktəblilərə kitabxananın fəaliyyəti və istifadə qaydaları, kitab sərgiləri, elektron kitabxana haqqında ətraflı məlumat verdi. 

Daha sonra məktəblilərə kitabxananın böyük  oxu zalında Azərbaycanın görkəmli ədəbiyyatşünas alimi, tanınmış maarifpərvər, ictimai xadim, publisist-yazıçı, uşaq folklor antologiyasının banisi, tənqidçi və tərcüməçi Firidun bəy Əhməd ağa oğlu Köçərlinin həyat və yaradıcılığından danışdı. Əməkdaşlar  kitabxana ilə bağlı uşaqlara maraqlı olan bütün sualları cavablandırdılar. 

Sonda məktəblilər F. Köçərliyə həsr olunmuş sənədli film izlədilər və kitabxanadan xoş əhval-ruhiyyə ilə ayrıldılar.