2 fevral tarixində F.Köçərli adına Respublika Uşaq Kitabxansında “Onlar birləşib Vətən oldular” adlı tədbir keçirildi. Tədbirin əvvəlində Respublikamızın ərazi bütövlüyünün qorunması, bərpası və torpaqlarımızın işğaldan azad edilməsi uğrunda döyüşlərdə şəhidlik zirvəsinə ucalan Vətən övladlarının xatirəsi bir dəqiqəlik sükutla yad edilib. Həmçinin Sürəyya Xəlilin şəhid Əlihüseyn Məmmədovun xatirəsinə həsr olunmuş “Mən Əliyəm” adı kitab təqdimatı keçirildi. Təqdimatda şəhidin anası Arzu Məmmədova, “Yada düşdü” jurnalının və “Xatirə kitabı” redaksiyasının baş redaktoru Nəzakət Məmmədova, Bəhiyyə Nağıyeva, şairə, publisist Arzu Nehrəmli və gənclər iştirak ediblər. Təqdimatda çıxış edən F. Köçərli adına Respublika Uşaq Kitabxanasının elmi işlər üzrə direktor müavini Zahirə Dadaşova şəhid Əlihüseyn Məmmədova həsr olunmuş “Mən Əliyəm” kitabı haqqında geniş bəhs edib. O, Vətən uğrunda canlarını fəda edən bütün şəhidlərimizin xalqımızın qəlbində və xatirələrində daim yaşayacağını qeyd edib.
Çıxış edənlər gənclərin indiki zamanda hərbi-vətənpərvərlik ruhunda tərbiyə olunmasında belə tədbirlərin tez-tez təşkilinin əhəmiyyətindən söz açaraq, bu gün ölkədə həyata keçirilən gənclər siyasətinin, gənclərə göstərilən diqqət və qayğının əsasında ölkə üçün layiqli vətəndaş və sağlam nəslin yetişdirilməsi dövlət siyasətinin əsas vəzifələrindən olduğunu bir daha vurğuladılar.
Daha sonra şəhidin xatirəsinə həsr olunmuş kompozisiya və slayd nümayiş olundu.
Sonda şəhidin anası Arzu Məmmədova iştirakçı gənclərə, tədbirin təşkilatçılarına diqqət və qayğıya görə minnətdarlığını bildirdi və Respublika Uşaq Kitabxanasına Sürəyya Xəlilin “Mən Əliyəm” adlı 3 nüsxə kitab və kitabın elektron variantını hədiyyə etdi.