26 fevral 2018- ci il tarixində, F.Köçərli adına Respublika Uşaq Kitabxanasının 2 saylı filialı Xətai rayonu 265 saylı tam orta məktəbdə, Xocalı soyqrımının 26-cı il dönümünə həsr olunmuş anım gününü qeyd etdi. Tədbir Xocalı şəhidlərinin xatirəsinin bir dəqiqəlik sükutla yad edilməsi ilə başladı. Xətai rayonu 265 saylı tam orta məktəbin müəllim və şagird kollektivi, valideynlər, 2 saylı filialın əməkdaşlarının da iştirak etdiyi anım mərasimində, məktəbin yuxarı sinif şagirdləri tərəfindən ədəbi bədii kompozisiya təqdim olundu. Tədbirdə 2 saylı filialının əməkdaşı Xocalı faciəsinin dəhşətlərindən söhbət açaraq qeyd etdi ki, bu müsibəti ancaq insanlığını, mərhəmət hissini itirmiş vəhşi ermənilər törədə bilərdilər. Faciə zamanı böyük bir yaşayış məntəqəsi yer üzündən silindi, 613 nəfər qətlə yetirildi, 1275 nəfər əsir götürüldü, 8 ailə tamamilə məhv edildi, 25 uşaq isə hər iki valideynlərini itirdi. Xocalı qırğını qan yaddaşımız və ürək ağrımızdır. Bu dəhşəti heç bir azərbaycanlının unutmağa haqqı yoxdur. Düşmənlərimizi tanımalı, onlara qarşı son damla qanımıza qədər mübarizə aparmalıyıq. Bu hər birimizin vətənimizin azadlığı uğrunda şəhid olan həmyerlilərimizin ruhları qarşısında vətəndaşlıq borcumuzdur. Sonda, tədbir iştirakçıları Xocalı soyqrımının 26 illiyinə həsr edilmiş “Xocalı-dərdim mənim “adlı kitab sərgisi ilə tanış oldular.