Kristi, Aqata . Keşiş evində qətl / A. Kristi ; ing. dil. tərc.ed. A. Mahmudov. - Bakı : TEAS PRESS Nəşriyyat evi, 2020. - 380 s.

Miss Ceyn Marpl sadə, kiçik bir ingilis kəndində qız qarımış yaşlı bir ledidir. Arabir nəsə toxuyur, kiməsə bağışlayır, kiçik bağçasında qurdalanır, xırda xeyriyyə tədbirlərində iştirak edir. Və iş elə gətirir ki, bu adi məişət qayğılarının arasında cinayət işini də açır. Çünki onun güclü müşahidə qabiliyyəti, bir də əksəriyyətə ilk baxışdan qəribə görünən, lakin çox güclü məntiqi var. Miss Marplın qonşuluğunda – kənd vikarisinin evində qətl hadisəsi baş verib: kənddə az qala hamının nifrət etdiyi polkovnik Protero öldürülüb. Az qala hamıdan şübhələnmək olar, xüsusən də ev sahibindən. Çünki bundan az əvvəl vikari ağzından bir söz qaçırıbmış. Polis vurnuxmadadır: birini dindirir, o birini həbs edir. Miss Marpl hadisənin təfərrüatlarını ordan-burdan eşidir, lakin ayrı-ayrı faktları cinayətin açılmasına gətirib çıxaran məntiqi ardıcıllıqla düzməyi bacarır...