Bəhmənli (Quliyev), Vaqif İttifaq oğlu. Hüseynqulu Sarabski / V. İ. Bəhmənli (Quliyev) ; bur. məsul S. İsmayılova ; dizayn. Z. Abbasov ; red. Q. Təbiətoğlu ; baş red. G. Cəfərova ; tex. red. F. Səmədova . - Bakı : Şərq-Qərb, 2017. - 184 s.

Bu sənədli-publisistik povest səhnə ustadı, müğənni və rejissor Hüseynqulu Sarabskinin "Köhnə Bakı" kitabına daxil olan üç xatirat, eyni zamanda sənətkarın həyat və yaradıcılığına dair digər nəşr və mətbu yazılar əsasında qələmə alınıb. Hüseynqulu Sarabski Azərbaycan milli incəsənətinin inkişafında misilsiz xidmətlər göstərmiş qüdrətli teatr xadimidir. O, 66 illik çox da uzun olmayan bir ömür yolunda qaynar və yorulmaz, peşəkar və istedadlı aktyor, müğənni, rejissor, parlaq üslublu ədib, mədəniyyət təşkilatçısı missiyalarını ləyaqətlə yerinə yetirmişdir. Bu şəxs dahi Üzeyir Hacıbəyli ilə birlikdə milli musiqili teatrın banilərindən olmuş, müğənni-aktyor 30 il ərzində 400 dəfə Məcnun rolunda səhnəyə çıxmışdır. H.Sarabki bir sıra memuarlar, bədii publisistik əsərlər də qələmə almışdır. Bu kitabda xalqımızın yaddaşında qiymətli sənətkar və şəxsiyyət kimi iz qoyan sənət fədaisinin insan və aktyor taleyi, yaradıcılıq yolu sənədli-bədii üslubda təqdim edilmişdir.