F.Köçərli adına Respublika Uşaq Kitabxanası 31 mart Azərbaycanlıların Soyqırımı Gününə həsr olunmuş “Qan yaddaşımızın bərpa olunduğu gün“ adlı virtual sərgini oxuculara təqdim etdi. 

Təqdim edilən virtual sərgininin  əsas məqsədi, erməni terrorizminin vəhşilikləri ilə bağlı sərgidə sərgilənən ədəbiyyatları  oxucuların diqqətinə çatdırmaqdır .Nümayiş olunan kitab və dövri materiallarda Soyqırım xronikası tarixi faktlarla mərhələləri əks olunmuşdur. Bu tarixin hər səhifəsində işğal olunmuş torpaqlar, dağıdılmış ev-eşiklər, viran qalmış od-ocaq, talan olmuş mədəniyyət abidələri ilə bərabər nənələrimizin, analarımızın ah-naləsi, körpələrin göz yaşları əbədi iz qoyub.