Xanımana Sabir qızı Əlibəyli Bakı şəhərinin Keşlə kəndində zadəgan ailəsində anadan olmuşdur. Bakıda 13 saylı məktəbdə təhsil almışdır.

Bakıda keçirilən bir olimpiadanın yekun konsertində öz şeirini oxuyan Xanımana Respublikanın o zamankı rəhbəri M.C. Bağırovun diqqətini cəlb etmiş, pulla mükafatlandırmışdır.

İlk şeiri “Stalin” “Şərq qadını” jurnalında çap olunmuşdur.

N.Nərimanov adına Tibb İnstitutunun müalicə-profilaktika fakültəsinə daxil olmuşdur.

İnstitutu uğurla bitirən gənc həkim təyinatla Masallıya göndərilir. Burada Qızılavar kənd həkim məntəqəsinin müdiri vəzifəsində işləyir.

Bakıya qayıdır, poliklinikada həkim-pediatr işləyir. Tanınmış həkim-cərrah Həsən Abdullayevlə ailə qurur.

“İşləməyən dişləməz” adlı birinci kitabı çap olunmuşdur.

Azərbaycan Yazıçılar Birliyinə üzv qəbul edilmişdir.

SSRİ Yazıçılar İttifaqına üzv qəbul olunmuşdur.

Kommunizm quruculuğu işində fəal iştirakına görə Fəxri fərmanla təltif edilmişdir.

Uşaq mətbuatı və ədəbiyyatı sahəsində uzun illər səmərəli işlədiyinə görə Azərbaycan SSR Ali Sovetinin Fəxri fərmanı ilə mükafatlandırılmışdır.

“Отличник печати СССР” medalı ilə təltif olunub.

Respublika pioner təşkilatının işində fəal iştirak etdiyinə, böyüməkdə olan nəslin kommunist tərbiyəsi sahəsində uzun illər səmərəli fəaliyyət göstərdiyinə görə Azərbaycan SSR Ali Sovetinin Fəxri fərmanı ilə mükafatlandırılmışdır.

Kukla teatrımız Hindistanda qastrol səfərində olarkən Dehli və Bombey şəhərlərində “Cunquş” pyesi ilə çıxış etmişdir.

Mədəniyyət evinin tədbirlərində və ictimai işlərində fəal iştirak etdiyinə görə fəxri fərmanla təltif edilmişdir.

“Azərbaycan Respublikasının Əməkdar İncəsənət xadimi” fəxri adı verilmişdir.

“İlin qadını” adına layiq görülmüşdür.

Ümummilli liderimiz Heydər Əliyev ona Prezident təqaüdü təyin etmiş, bu münasibətlə xatirə olaraq ona gözəl bir büllur şamdan da bağışlamışdır.

“Mirvarid Dilbazi” adına mükafata layiq görülüb.

Ömrünün ixtiyar çağında dünyasını dəyişmiş, Bakı şəhərində dəfn edilmişdir.