HƏMİŞƏ SAĞDIR!

Azmı sevindirib yazdığı əsər,

Bizi Xanımana Əlibəylinin?!

Ruhu da, səsi də dolaşıb gəzər

Ərzi Xanımana Əlibəylinin!

 

 

Hər nağıl sehrli aləm kimidir,

Qoymaz darıxasan- həmdəm kimidir,

Xəstəni sağaldan məlhəm kimidir

Sözü Xanımana Əlibəylinin!

 

 

Dünənə baş vurar, sabaha varar,

Sanki qaranlıqda işıq yandırar

Yorulmuş adamı qanadlandırar

Sözü Xanımana Əlibəylinin!

 

 

Ondan balalara sovqatdır nələr-

Səhnəcik tamaşa... şirin nəğmələr,

...Yaşasın vəfalı, xeyirxah Gülər-

Qızı Xanımana Əlibəylinin!

 

 

Dünyaya gəlmək də, ölmək də haqdır,

Dünyadan köç edib gör neçə vaxtdır

Xalqın yaddaşında həmişə sağdır,

Özü Xanımana Əlibəylinin!

Oktay Rza,

şair