YAXŞILIQ

Bayquş ulayırdı bəd nəfəsiylə,

Dünya sarsılırdı dar bir otaqda.

Lənətə gəlmişin bədbəxt səsiylə

vahimə basırdı məni yataqda.

 

 

İrəli yeridin, qarşı gələrək,

bir az tələsdin də, qorxdun ki, uça, -

sən hardan tapdınsa, əlində çörək

Şairdi, rəhm elə dedin bayquşa

 

 

Oyandım yuxudan səhərə yaxın,

Fikrimi gizlincə danışmaq üçün.

Yuxuda gördüyüm bu yaxşılığın

həyata çağırdı yaşamaq üçün.

Nəriman Həsənzadə,

Xalq şairi