Ey yeni gəncliyin əski bağbanı

Yurdu qaranlıqdan qurtarmaq üçün,

Bəzətmək üçün bu Azəristanı...

Sən toxumlar səpdin, pək çox çalışdın

Qəlbə nüfuz edən əsərlərinlə,

Qaranlıq pərdəyi yırtmaq istədin.

Usanmaq bilməyən əməllərinlə

 Nəhayət zülmətə sən qalib gəldin.

İştə bu gün sənin şən bağçaların

Çiçəklər açaraq meyvələr verdi.

 Yeni həyat üçün çaldığın sazın

Əski ənənəyi artıq məhv etdi.

 Gənclik üçün sənin qoyduğun yollar

 Hər yerə ziyalar, nurlar saçıyor,

Kükrədi əkdiyin bütün toxumlar

Bu gün gənclik səni həp alqışlıyor.

Süleyman Rüstəm

1956- cı il