Başıma tuşlanan düşmən xəncəri

Xalqının qəlbinə tuşlandı sənin.

Bu müdhiş ölümün acı xəbəri

Sağalmaz dərdidir bizim vətənin

Sinəmiz ocaqdır, sönmür məşəli,

Yandıqca gur yanıb, yandırır bizi.

O xəncər vuranın qurusun əli!

İllər var göynədir ürəyimizi...

O müqəddəs qanın tökülən yerə

Ruhlar hər zaman səcdəyə gəlir...

Dözməyib şair də bu bəd xəbərə,

Gündə necə dəfə dirilir, ölür.

Mirvarid Dilbazi.