Yanvarın 9-da Yasamal rayonunda yerləşən 68 saylı uşaq baxçasının balacaları kitabxanamıza ekskursiya etdilər. Nağıl otağında uşaqlara 3D formatda hazırlanmış “Cığal sərçə”, “Xoruz”, “Qoğal” nağılları danışıldı. Oxunan nağıllar üzərində maraqlı müzakirələr aparıldı. Balacalar kiçik oxu zalında “Danışan kitablar”la, qeyri-adi formalı – panoramalı, səsli düymələrlə idarə olunan, parçadan hazırlanmış və s. kitablarla tanış oldular. Həmçinin, “Tülkü və Qarğa” nağılı barmaqcıqlı teatrda uşaqlara göstərildi. Balaca fidanlar xoş təəssüratla kitabxanadan ayrıldılar.