Yanvarın 25-də Səbail rayonunda yerləşən 189-190 saylı tam orta məktəbin  I sinif şagirdləri kitabxanamıza ekskursiya etdilər. Nağıl otağında uşaqlara 3D formatda hazırlanmış “Tıq-tıq xanım”, “Xoruz”, “Qoğal” nağılları danışıldı. Oxunan nağıllar üzərində maraqlı müzakirələr aparıldı. Balacalara “Çirkin ördək balası” və “Düyməcik” cizgi filmləri göstərildi. Daha sonra kiçik oxu zalında “Danışan kitablar”la, qeyri-adi formalı – panoramalı, səsli düymələrlə idarə olunan, parçadan hazırlanmış və s. kitablarla tanış oldular. Burada həmçinin, “Tülkü və Qarğa” nağılı barmaqcıqlı teatrda uşaqlara göstərildi. Balaca fidanlar xoş təəssüratla kitabxanadan ayrıldılar.