Firidun bəy Köçərli adına Respublika Uşaq Kitabxanası

XəbərlərElanlarElektron Məlumat BazasıGöy Qurşağı jurnalı

F.Köçərli adına Respublika Uşaq Kitabxanası Azərbaycan Dili və Əlifbası Günü münasibətilə sərgi təşkil etdi.

01-08-2017 23:14

F.Köçərli adına Respublika Uşaq Kitabxanası 1 avqust 2017-ci il tarixdə Azərbaycan Dili və Əlifbası Günü münasibətilə sərgi təşkil etdi. Sərgi ilə tanış olan uşaqlara kitabxananın əməkdaşları Azərbaycan dilinin və əlifbasının tarixi və inkişaf mərhələləri haqqında geniş məlumat verərək, dilimizin müqəddəsliyi, nə dərəcədə önəmli olmasını açıqladılar. Bundan elavə əməkdaşların uşaqlar üçün hazırladıqları hərflərdən ibarət əl işləri böyük maraqla qarşılandı. Qeyd edək ki, hal-hazırda istifadə edilən latın əlifbası ilk dəfə 1918-ci ildə Azərbaycanda Demokratik Cümhuriyyət qurulduqdan sonra istifadə edilib. Lakin Azərbaycanda sovet hökuməti qurulduqdan sonra Azərbaycan əlifbası bir neçə dəfə dəyişib. Müstəqillik yenidən qazanıldıqdan sonra ölkədə latın əlifbasına keçilsə də, uzun müddət mətbuat krill əlifbasından istifadə edib. Yalnız 2001-ci il iyunun 18-də prezident Heydər Əliyev ölkədə 2001-ci il avqustun 1-dən etibarən tamamilə latın əlifbasına keçməklə bağlı fərman imzalayıb. Elə həmin il avqustun 9-da imzaladığı digər fərmana görə isə avqustun 1- i ölkədə “Azərbaycan əlifbası və dili günü” elan edilib. Ana dili millətin mövcudluğu, gələcəyi, mədəniyyətimizin ifadəsidir. Gəlin, dilimizi qoruyaq və ona hörmət edək.

 

 

 



254 Baxış sayı

Firidun bəy Köçərli adına Respublika Uşaq Kitabxanası

Əlaqə telefonu: (012) 597-08-79