Firidun bəy Köçərli adına Respublika Uşaq Kitabxanası

XəbərlərElanlarElektron Məlumat BazasıGöy Qurşağı jurnalı

“Şair oğluyam mən bu Vətənin!” adlı tədbir keçirildi.

16-12-2016 20:30

14 dekabr 2016-cı il tarixdə F.Köçərli adına Respublika Uşaq Kitabxanası Bakı şəhəri, Nərimanov rayonu 183 №-li körpələr evi-uşaq bağçası ilə birlikdə xalq şairi, dramaturq Səməd Vurğunun anadan olmasının 110 illik yubileyi münasibəti ilə “Şair oğluyam mən bu Vətənin!” adlı tədbir keçirdi.Tədbirdə şairin həyat və yaradıcılığından bəhs edən videoçarx, bağçanın  yaradıcılıq heyətinin hazırladığı ədəbi bədii musiqili kompozisiya numayiş olundu.Tədbiri giriş sözü ilə açan bağçanın müəllimi Kəmalə xanım diqqətə çatdırdı ki,  Səməd Vurğun, mənsub olduğu xalqın dilinin və poeziyasının mənəvi pasportudur. Ədəbiyyatımızın qızıl fondunu bəzəyən şairin əsərlərində xalqın müdrikliyi, qədim tarixi öz əksini tapıb.Balacalar  şairin şeirlərinə həsr olunmuş mahnılar oxudular, həyatına həsr olunmuş əsərlər əsasında hazırlanmış səhnəcik göstərdilər. Hazırlanmış bədii proqram valideyn və qonaqlar tərəfindən böyük maraqla qarşılandı.Sonda bağçanın direktoru Sədaqət Kazımova çıxış edərək bildirdi ki, şairin yazdığı  lirik şeirlər, iri həcmli poema və dram əsərləri əsasında tərtib olunan tamaşalar, filmlər bu gün də aktuallığını itirmir. Səməd Vurğunun yaradıcılığı qaynar həyat çeşməsidir. Ölməz bədii söz ustası haqqında müasirlərinin ürəkdolusu yazdıqları işıqlı fikirlər onun xatirəsinə sonsuz məhəbbət və ehtiramın ifadəsidir. Əsasən heca vəznində yazdığı şeirlərin əksəriyyətinin dillər əzbəri olduğunu vurğulayan Sədaqət xanım  “Azərbaycan”, “Ceyran”, “Dağlar”, “Ananın öyüdü”, “Şəfqət bacısı” və digər onlarla əsərinin mahnı kimi bu gün də dillər əzbəri olduğunu bildirdi.

 



171 Baxış sayı

Firidun bəy Köçərli adına Respublika Uşaq Kitabxanası

Əlaqə telefonu: (012) 597-08-79